Тропарь святой великомученице Екатерине
Добродетельми яко лучами солнечными просветила еси
неверныя мудрецы, и якоже пресветлая луна ходящым в нощи
неверия тьму отгнала еси, и царицу уверила еси, вкупе же
и мучителя обличила еси, Богозванная невесто,
блаженная Екатерино;
желанием востекла еси в небесный чертог к прекрасному
Жениху Христу, и от Него царским венцем венчалася еси:
Емуже со ангелы предстояще, за ны молися,
творящыя пречестную память твою.
Назад к списку